Qazaqstandyq kompanııalar otandyq óndirýshilerden jyl saıyn 30 mlrd. dollarǵa taýar men qyzmet satyp alady

ASTANA. 22 aqpan. QazAqparat - Qazaqstandyq kompanııalar otandyq óndirýshilerden jyl saıyn 30 mlrd. dollarǵa taýar men qyzmet satyp alady. Bul týraly Býrabaıda ótip jatqan «Qazaqstandyq ónimdi satyp al» iskerlik forýmynda QR Indýstrııa jáne jańa tehnologııalar vıtse-mınıstri Nurlan Saýranbaev málim etti.

«Biz otandyq taýar óndirýshilerge jylyna 30 mıllıard dollar somasyna tapsyrys jınadyq. Bul sýbektilerdiń barlyǵyna monıtorıng jasalyp otyrady», - dedi N.Saýranbaev.

Onyń aıtýynsha, qazir QR-da júrgiziletin satyp alýlardyń sapasyna úlken kóńil bólinedi. «Men búgingi alań sapalyq ózgerister ákelgenin qalaımyn. Sizder qajetti taýarlar tobyn anyqtap, aldaǵy 5-10 jylǵa uzaq merzimdi kelisimsharttarǵa qol qoıasyzdar dep úmittenemin. Bul óte mańyzdy», - dedi vıtse-mınıstr forým qatysýshylaryna.