Qazaqstandyq kompanııalar halyqaralyq konferentsııada óz tájirıbelerimen bólisti

Oǵan Qazaqstannan «Azamattarǵa arnalǵan úkimet» KE AQ, «Memlekettik áleýmettik saqtandyrý qory» AQ jáne «Biryńǵaı jınaqtaýshy zeınetaqy qory» AQ ókilderi qatysty. Bizdiń elimiz úshin basqa elderdiń halyqqa qyzmet kórsetýdegi tájirıbelerin zertteý múmkindigi erekshe nazarda boldy.

Bul týraly«Azamattarǵa arnalǵan úkimet» memlekettik korporatsııasy» KE AQ baspasóz qyzmeti habarlady.

Qatysýshylardyń baıandamalarynan baıqalǵandaı, kóptegen respýblıkalarda zeınetaqymen qamtamasyz etýdiń ortaq júıesi áreket etedi, al jınaqtaýshy komponent - tek damý satysynda ǵana. Qatysýshy elderdiń kúrdeli ekonomıkalyq jaǵdaılaryn eskersek, zeınetaqy tóleýdiń barabarlyǵyn qamtamasyz etýde problemalar týyndaıdy.  

Forýmda Býrıatııa Respýblıkasy elektrondy memlekettik qyzmetterdi engizý boıynsha RF zeınetaqy qory arasynda aldyńǵy qatarda turǵany atap kórsetildi. Basqa óńirler úlgi retinde Býrıatııa Zeınetaqy qorynyń ortalyqtandyrylǵan  zeınetaqy tóleýdi taǵaıyndaý tájirıbesin alyp, qazir ony zerdeleýde. 

Sonymen qatar, Býrıatııada ujymnyń qolaıly mıkroklımatyn jasaýǵa baǵyttalǵan is-sharalar belsendi túrde júrgizilýde. Máselen, kásipodaq qarajaty esebinen (jarnalar jalaqynyń 2%-yn quraıdy árbir óńirde psıhologııalyq jeńildený bólmesi, trenajer zaly, bı, ıoga zaly uıymdastyrylǵan. Jyl saıyn ujymnyń kadrlyq-psıhologııalyq aýdıti júrgiziledi. Jumysqa qabyldaǵanda psıhologtyń keńesi mindetti túrde qajet. Sondaı-aq qyzmetkerler, zeınetkerler arasynda spartakıadalar uıymdastyrylady. Mundaı tájirıbe kóptegen qazaqstandyq kompanııalarǵa paıdaly bolýy múmkin.

Qazaqstan Rspýblıkasynda memlekettik qyzmet kórsetýdiń biryńǵaı provaıderiniń tájirıbesimen «Azamattarǵa arnalǵan úkimet» memlekettik korporatsııasynyń atynan memlekettik korporatsııanyń Strategııalyq josparlaý jáne damý departamentiniń dırektory  Álııa Ospanova bólisti. Ol aǵymdaǵy jylǵy sáýirde kóp suralatyn memlekettik qyzmetterdi biriktirgen jáne quramyna tórt memlekettik kásiporyndy: halyqqa qyzmet kórsetý ortalyǵy, jyljymaıtyn múlik ortalyǵy, zeınetaqy tóleý jónindegi memlekettik ortalyq jáne jer kadastry ǵylymı-óndiristik ortalyǵy kiretin «Azamattarǵa arnalǵan úkimet» memlekettik korporatsııasy qurylǵanyn aıtty. Sondaı-aq memlekettik korporatsııaǵa elimizdiń aýmaqtyq erekshelikterin eskere otyryp, mysaly halyqqa, onyń ishinde shalǵaı eldi mekenderdiń turǵyndaryna memleketik qyzmet kórsetýdiń qoljetimdiligin qamtamasyz etý boıynsha Elbasy qoıǵan mindetterdi oryndaý sheńberinde, memlekettik korporatsııada jumys isteıtin, halyqtyń memlekettik qyzmetterge qoljetimdiligin qamtamasyz etýge múmkindik beretin 70 Mobıldi halyqqa qyzmet kórsetý ortalyqtary sekildi ártúrli noý-haýlarmen bólisti. «Aýyldarǵa barý kezinde turǵyndar tek memlekettik qyzmetterdi alyp qana qoımaıdy, sondaı-aq áleýmettik kómek, jumyspen qamtý jáne jańa mamandandyqtarǵa oqytý máseleleri boıynsha keńester  alady», - dep atap kórsetti Álııa Ospanova. Qazaqstannnyń shalǵaıdaǵy elde mekenderdiń turǵyndaryna mobıldi HQKO qurý arqyly memlekettik qyzmetterdi kórsetý tájirıbesi forýmǵa qatysýshylardyń qyzyǵýshylyǵyn týdyrdy.

Konferentsııada memlekettik korporatsııanyń Qazaqstanda Memlekettik korporatsııany qurý tájirıbesin engizý jáne tájirıbe almasý boıynsha aqparattyq-konsýltatıvtik pen ádistemelik qoldaý kórsetý aıasynda barlyq eldermen ózara tıimdi yntymaqtastyqqa daıyn ekendigi atap kórsetildi.

Forýmdy uıymdastyrýshy Halyqaralyq zeınetaqy jáne áleýmettik qorlar qaýymdastyǵy (HZÁQQ) boldy. Onyń quramyna TMD 10 eliniń jáne Grýzııanyń mekemeleri kirdi. Forýmda Reseıdiń, Belorýstiń, Býrıatııanyń, Moldovanyń, Tájikstannyń, Grýzııanyń, Qyrǵyzstannyń, Monǵolııanyń jáne Ózbekstannyń delegatsııalary qatysty. Sondaı-aq «Gazfond» memlekettik emes zeınetaqy qorynyń, «Eńbek mınıstrliginiń eńbek jáne áleýmettik saqtandyrý ǴZI» FMBM, «Zeınetaqy jýrnalynyń redaktsııasy» JShQ, «RotaK» JShQ, «Memlekettik áleýmettik saqtandyrý  qory» AQ, «Biryńǵaı jınaqtaýshy zeınetaqy qory» AQ jáne Halyqaralyq zeınetaqy jáne Halyqaralyq zeınetaqy jáne áleýmettik qorlar qaýymdastyǵynyń ókilderi qatysty. 

 «Azamattarǵa arnalǵan úkimet» memlekettik korporatsııasy» kommertsııalyq emes aktsıonerlik qoǵamy «100 naqty qadam» - Ult josparyn júzege asyrý aıasynda Memleket Basshynyń tapsyrmasy boıynsha quryldy. «HQKO», «Jer kadastry ǵylymı-óndiristik ortalyǵy», «Jyljymaıtyn múlik ortalyǵy» jáne «Zeınetaqy tóleý jónindegi memlekettik ortalyq» - tórt RMK-ni biriktirgen uıym memlekettik qyzmetterdiń biryńǵaı provaıderi bolyp 2016 jylǵy 11 sáýirde jumysyn bastady.