Qazaqstandyq kompanııa Shanhaıǵa 50 myń tonnadan astam astyq jetkizedi
BEIJІŃ-ShANHAI. QazAqparat - Shanhaı qalasyndaǵy QR Bas konsýldyǵynyń yqpalymen qazaqstandyq «Ricom Trading Limited» kompanııasy shanhaılyq «Wudeli Flour Mill Group Co., Ltd» atty iri astyq óńdeý kompanııasy atalǵan qytaı megapolısine Qazaqstannan astyq jetkizý týraly memorandýmǵa qol qoıdy, dep habarlaıdy «QazAqparat» HAA Qytaıdaǵy tilshisi.
Memorandýmǵa sáıkes, 2017 jyldan 2018 jylǵa deıin Shanhaıǵa 50 myń tonnadan artyq bıdaı jetkiziledi. Bolashaqta bul kórsetkishti arttyrý josparlanyp otyr.
Shanhaıdaǵy QR Bas konsýldyǵy QazAqparat tilshisine «Ricom Trading Limited» kompanııasynyń QHR naryǵynda qazaqstandyq bıdaı men un ónimderiniń joǵarylaýyn arttyrýǵa qyzmet jasaıtyndyǵyn aıtty.
Qazirgi ýaqytta qazaqstandyq óndirýshilermen ónimderdiń baǵasy kelisilip, jetkizý baǵyttary anyqtaldy.
Azyq-túlik taýarlarynyń 80-ge jýyq túrine sertıfıkat qujattaryn alǵan taǵy bir qazaqstandyq kompanııa - «Astaý» da qazaqstandyq ónimdi QHR naryǵyna shyǵarý isimen aınalysady. Búgingi tańda kompanııa Qazaqstan ónimderin ótkizý jóninde Shanhaıdyń 4 myńnan astam dúkenderin biriktiretin «Bailan Group» dúkender jelisimen kelisim jasasqan. 
