Qazaqstandyq komanda veloshabandozy jeńimpaz atandy
ASTANA. QazAqparat - Astana Qazaqstan Team komandasynyń ıtalıandyq veloshabandozy Sımone Velasko «Výelta Valensııa» týrnıriniń úshinshi kezeńin jeńimpaz atandy. Ol óz komandasyna jańa maýsymdaǵy alǵashqy jeńisin alyp keldi, dep habarlaıdy QazAqparat tilshisi.
27-jastaǵy Sımone Velasko Betera jáne Sagýnto qalalary arasyndaǵy 145-shaqyrymǵa sozylǵan kezeńde máre syzyǵyn birinshi bolyp qıdy. Oǵan 3 saǵat 13 mınýt jáne 47 sekýndty jumsady.
Máre syzyǵyna «Bora-Hansgrohe» komandasynda oıyn kórsetetin Lıýksembýrg eliniń ókili Bob ıÝngels ekinshi bolyp kelse, úzdik úshtikti «Uno-X» klýbynan danııalyq Ionas Gregard Vılslı túıindedi.
Qazaqstandyq komanda veloshabandozynyń máre syzyǵyn alǵashqy bolyp qıǵandyǵy jóninde ıspanııalyq grand-týr uıymdastyrýshýlary beınejazba jarııalady.
Sondaı-aq, qazaqstandyq velokomandanyń baspasóz qyzmeti Sımone Velasko óziniń jeńisin buǵan deıin klýbta tájirıbeli massaj jasaýshy Ýmberto Inselvınıge arnaǵanyn habarlady. Tájirıbeli maman jaqynda júrek talmasynan ómirden ótken edi.
«Výelta Valensııa». Úshinshi kezeń.
Bétera-Sagunto. 145,1 shaqyrym
1. Sımone Velasko (Italııa, «Astana») - 3:13:48
2. Bob ıÝngels (Lıýksevbýrg, «BORA-hansgrohe»)
3. Ionas Gregard Vılslı (Danııa, «Uno-X»).
Kópkúndik «Výelta Valensııa» jarysy Ispanııada 1-5 aqpan aralyǵynda ótkiziledi.
Qazaqstandyq Astana Qazaqstan Team komandasy Ispanııa jerinde ótetin eki velojarysqa qatysady.
Eske salsaq, budan buryn tennısten Devıs kýboginde Qazaqstan men Chılı kezdesýiniń jerebesi tartyldy.
Foto - Sport.kz
