Qazaqstandyq komanda Argentınada ótken Halyqaralyq matematıka olımpıadasynan 1«kúmispen» jáne 4 «qolamen» oraldy
ASTANA. 16 shilde. QazAqparat - Qazaqstandyq komanda 4-15 shilde aralyǵynda Mar-del-Plata qalasynda ótken 53-shi Halyqaralyq matematıka olımpıadasynan 1 kúmis jáne 4 qola medal jeńip aldy.
Bul týraly QazAqparattyń tilshisine Respýblıkalyq ǵylymı-tájirıbelik «Daryn» ortalyǵynan habarlandy.
Atap aıtqanda, kúmis medaldi Taldyqorǵan qalasyndaǵy «Nazarbaev Zııatkerlik mektebiniń» 10 synyp oqýshysy Ernııaz Nurǵabylov jeńip aldy. Onyń dostary, Taraz qalasyndaǵy Qazaq-túrik lıtseıiniń 9 synyp oqýshysy Serǵazy Qalmyrzaev pen Qostanaı qalasyndaǵy Y. Altynsarın atyndaǵy daryndy balalarǵa arnalǵan mekteptiń 10-shy synyp oqýshysy Ákejan Saılanbaev jáne Ó. Jáýtikov atyndaǵy atyndaǵy respýblıkalyq mamandandyrylǵan daryndy balalarǵa arnalǵan fızıka-matematıkalyq orta mektep-ınternatynyń oqýshysy Álibek Saılanbaev qola medal enshiledi. Sondaı-aq Ó. Jáýtikov atyndaǵy respýblıkalyq mamandandyrylǵan daryndy balalarǵa arnalǵan fızıka-matematıkalyq orta mektep-ınternatynyń 11 synyp oqýshysy Sáken Dýshaev qola medaldi oljalady. Ádil qazylar Almatydaǵy №134 mektep-lıtseıiniń 11 synyp oqýshysy Temirlan Izmaılovty maqtaý qaǵazymen marapattady.
Olımpıadaǵa 100 elden kelgen 548 oqýshy qatysty. Kezekti IMO-2013 (Halyqaralyq matematıka olımpıadasy) Kolýmbııada ótedi.
