Qazaqstandyq qol kúresinen álem chempıony atandy
ASTANA. QazAqparat - ShQO-nyń sportshy Deshı Dýrsaeva Vengrııada qol kúresinen ótip jatqan álem chempıonatynda «altyn» ıelendi, dep habarlaıdy QazAqparat ShQO dene shynyqtyrý jáne sport basqarmasyna silteme jasap.
Ulan aýdandyq ákimdiginiń qoldaýymen jattyqtyrýshy Erlan Ýálıevtiń tárbıelenýshileri Deshı Dýrsaeva pen Oraz Basarov álem chempıonatyna qatysty.
2017 jylǵy Azııa chempıony, 2017 jylǵy Qazaqstan chempıonatynyń kúmis júldegeri Deshı Dýrsaeva álem birinshiliginde birinshi oryn aldy.
ShQO Ulan aýdanynyń týmasy, eki dúrkin álem chempıony, úsh dúrkin Azııa chempıony, bes dúrkin Qazaqstan chempıony Oraz Basarov ekinshi oryn ıelendi.
Ol halyqaralyq klasty sport sheberi, qazirgi ýaqytta Semeıdegi olımpıada rezerviniń óńirlik kolledjinde bilim alyp jatyr.
Aıta keteıik, Vengrııada jyl saıyn dúnıejúzilik qol kúresi federatsııasynyń qoldaýymen ótetin iri halyqaralyq qol kúresi jarysy ótkizilip jatyr. 2 qyrkúıek kúni Býdapesht qalasynda bastalǵan chempıonat 11 qyrkúıekke deıin jalǵasady.
