Qazaqstandyq klýbtardyń fýtboldan eýrokýbok oıyndary qaı telearnadan kórsetiledi

ASTANA. QazAqparat – Qazaqstandyq «Aqtóbe» jáne «Tobyl» komandalarynyń Konferentsııa lıgasy úshinshi irikteý satysyndaǵy qarymta oıyndary qaı telearnadan kórsetiletini belgili boldy, dep habarlquaıdy QazAqparat tilshisi.

Sol kúni atalǵan týrnırde elorda ýaqytymen 22.00-de «Aqtóbe» óz alańynda Rýmynııanyń «Sepsı» klýbymen oınaıdy.

Jankúıerler kezdesýdi «Qazsport» telearnasynan tikeleı efırde tamashalaı alady.

Alǵashqy kezdesýde komandalar 1:1 esebine qanaǵat bildirdi.

Aqtóbelik komanda Konferentsııa lıgasynyń ekinshi irikteý satysynda Grýzııanyń «Torpedo Kýtaısı» klýbyn (4:1, 1:2) orta jolda qaldyrdy.

Al Qostanaıdyń «Tobyly» syrt alańda Soltústik Irlandııanyń «Derrı Sıtı» komandasymen sheberlik baıqasady.

Birinshi oıynda qostanaılyq klýb qarsylasyn 2:1 esebimentize búktirdi.

Oıyn 00.35-te bastalyp, ««Qazaqstan» telearnasynan tikeleı efırde kórsetiledi.

Aıta ketsek, Konferentsııa lıgasynyń alǵashqy eki irikteý satysynda qostanaılyq klýb Fınlıandııanyń «Honka» (0:0, 2:1), Shveıtsarııanyń «Bazel» (3:1, 1:2) klýbtaryn qapy qaldyrdy.