Qazaqstandyq klýbtardyń eýrokýboktyń pleı-off satysyndaǵy yqtımal qarsylastary anyqtaldy

ASTANA. QazAqpara – Fýtboldan qazaqstandyq klýbtardyń Eýropa lıgasy jáne Konferentsııa lıgasy pleı-off satysyndaǵy yqtımal qarsylastary anyqtaldy, dep habarlaıdy QazAqparat tilshisi.

Búgin eýrokýbok oıyndary pleı-off satysynyń jerebesi tartyldy.

Elordalyq «Astana» Eýropa lıgasy pleı-off satysyna shyqqan jaǵdaıda Nıderlandtyń «Aıaks» klýbymen kezdesedi.

Odan buryn úshinshi iriktteý satysynda qazaqstandyq komanda 10 jáne 17 tamyz kúnderi Bolgarııanyń «Lýdogorets» komandasymen synǵa túsedi.

Atalǵan oıynda jeńilgen jaǵdaıda «Astana» Konferentsııa lıgasy pleı-off satysynda «Valmıera» (Latvııa) jáne «Partızanı» (Albanııa) jubynyń jeńimpazymen sheberlik baıqasady.

Al qostanaılyq «Tobyl» Konferentsııa lıgasy pleı-off satysyna shyqqan jaǵdaıda «Vıktorııa» Plzen (Chehııa) men «Gzıra ıÝnaıted» (Malta) jubynyń jeńimpazymen jasyl alańǵa shyǵady.

Odan buryn qostanaılyq Konferentsııa lıgasy úshinshi irikteý satysynda 10 jáne 17 tamyz kúnderi «Derrı Sıtı» (Irlandııa) klýbymen oınaıdy.

Sondaı-aq «Aktobe» pleı-off satysynda «Býde-Glımt» (Norvegııa) jáne «Pıýnık» (Armenııa) jubynyń jeńimpazy qarsylas atanýy yqtımal.

«Aqtóbe» odan buryn jarystyń úshinshi satysynda 10 jáne 17 tamyz kúnderi Rýmynııanyń «Sepsı» klýbymen kezdesedi.