Qazaqstandyq klýbtardyń eýrokýbok týrnırindegi alǵashqy qarsylastary anyqtaldy
ASTANA. QazAqparat - Shveıtsarııanyń Non qalasynda Chempıonadar Lıgasy men Eýropa Lıgasynyń 2017/2018 maýsymynyń birinshi jáne ekinshi irikteý kezeńderiniń jerebesi tartyldy, dep habarlaıdy Qazaq fýtbol federatsııasynyń saıty .
Qazaqstannyń úsh dúrkin chempıony, elordalyq «Astana» komandasy Chempıondar Lıgasynyń ekinshi irikteý kezeńinde latvııalyq «Spartak» (ıÝrmala) ujymymen kezdesedi.
Birinshi match 11 nemese 12 shilde kúni Astanada ótedi. Al, qarymta oıyn 18-19 shilde kúni ıÝrmalada bolady.
Eýropa Lıgasynyń alǵashqy irikteý kezeńinde shymkenttik «Ordabasy» komandasyna bosnııalyq «Shırokı Brıeg» qarsylas atandy. Birinshi oıyn Shymkent qalasynda 29 maýsym kúni, al qarymta kezdesý Shırokı Brıeg qalasynda 6 shilde kúni ótedi.
Eýropa Lıgasynyń dál osy kezeńinde almatylyq «Qaırat» fýtbolshylary lıtvalyq «Atlantas» komandasymen jolyǵady. Almaty 29 maýsym kúni alǵashqy oıyndy qabyldasa, kelesi oıyn 6 shilde kúni Klaıpeda qalasynda josparlanǵan.
Pavlodarlyq «Ertis» komandasy Eýropa Lıgasynyń irikteý kezeńiniń alǵashqy aınalymynda bolgarııalyq «Dýnav» komandasymen tartysqa túspek. Birinshi oıyn Pavlodarda 29 maýsym kúni ótedi. Ekinshi oıyn 6 shilde kúni Rýse qalasynda bolady.
