Qazaqstandyq klýbtardyń aldaǵy eýrokýbok oıyndaryna tóreshiler belgilendi
ASTANA. QazAqparat - Qazaqstandyq klýbtardyń fýtboldan eýrokýbok oıyndaryndaǵy aldaǵy kezdesýlerine tóreshiler belgilendi, dep habarlaıdy QazAqparat tilshisi.
UEFA Eýropa lıgasy úshinshi irikteý satysyndaǵy «Astana» men «Lýdogorets» (Bolgarııa) kezdesýine rýmynııalyq Horatsıý Fesnık bas tóreshi bolady. Oǵan otandastary Valentın Avram men Aleksandrý Chereı kómekshilik jasaıdy. Qosalqy tóreshi de sol eldiń ókili Shabolsh Kovach.
Aıta ketsek, bul kezdesý 10 tamyzda elorda ýaqytymen saǵat 20:00-de «Astana Arena» stadıonynda bastalady.
Al Konferentsııa lıgasy úshinshi irikteý satysyndaǵy qostanaılyq «Tobyl» men Soltústik Irlandııanyń «Derrı Sıtı» kezdesýinde avstrııalyq Valter Altmann bas tóreshi qyzmetin atqarsa, oǵan sol elden kelgen Roland Brandner men Robert Shtaınaher kómekshi bolady. Qosalqy tóreshi de avstrııalyq Krıstofer Ieger.
Oıyn 10 tamyzda elorda ýaqytymen 20:00-de Qostanaıdaǵy ortalyq stadıonda ótedi.
Al Konferentsııa lıgasy úshinshi irikteý satysynda 10 tamyzda elorda ýaqytymen 22.00-de «Aqtóbe» syrt alańda Rýmynııanyń «Sepsı» klýbymen oınaıdy.
Kezdesýde Kosovodan kelgen Vısar Kastratı bas tóreshi bolsa, Besnık Morına, Lýmtýrıe Mýhadrı qaptaldaǵy tóreshi retinde belgilengen. Qosalqy tóreshi de sol elden kelgen Alban Shala.
Eske salsaq, UEFA Konferentsııa lıgasy ekinshi irikteý satysynda Shymkenttiń «Ordabasy» jarys jolynan shyǵyp qaldy.
