Qazaqstandyq kınorejısserdiń fılmderi Qytaı kınofestıvalinde kórsetiledi
Kınorejısser Arman Baımuratovtyń «Ózgeris», «Uıyqtaǵanda» («Vo sne») jáne «Tyǵyryq» («Týpık») fılmderi bul kúnderi Qytaıdyń ońtústik-batysyndaǵy ıÝnnan provıntsııasynyń Lıntsan qalasynda ótip jatqan qysqametrajdy fılmderdiń VIII Azııa festıvaline (Asia Microfilm Art Festival) qatysý úshin tańdaldy. Bul týyndylar Shanhaı yntymaqtastyq uıymyna (ShYU) qatysýshy elderdiń qysqa metr baǵdarlamasynda qatysýǵa ótinim berildi.
Arman Baımuratov 1972 jyly Shyǵys Qazaqstan oblysynda dúnıege keldi. Ol T.Júrgenov atyndaǵy Ulttyq óner akademııasy (teatrlyq kórkem sýret) men «Turan» ýnıversıtetin (rejıssýra) mamandyǵy boıynsha bitirgen. 1999 jyldan beri túrli kórkemdik kórmelerge qatysyp keledi. Sońǵy ýaqytta qysqametrajdy fılmder túsirip júr.
Lıntsandaǵy qysqametrajdy kıno Azııa festıvaliniń tarıhy 2013 jyldan bastaý alady. Qysqa ýaqyt ishinde sýbaımaqtyq festıval álemniń 30 elinen 21 myńnan astam ótinim jınaǵan.
Festıval uıymdastyrýshylarynyń aıtýynsha, koronavırýs pandemııasyna qatysty engizilgen shekteýge baılanysty bıylǵy marapattaý rásiminiń formaty ózgertilip, sondaı-aq shaqyrylǵan qonaqtar sany 1300-den 600 adamǵa deıin, al kórermender sany 15 myńnan 1 myń adamǵa deıin qysqartylǵan.
Eske sala ketsek, qarashanyń 6-8 kúnderi aralyǵynda Qytaıdyń ońtústik-batysyndaǵy ıÝnnan provıntsııasynyń Lıntsan qalasynda qysqametrajdy fılmderdiń VIII Azııa festıvali (Asia Microfilm Art Festival) ótip jatyr.
Eske sala keteıik, jaqynda qazaqstandyq kınorejısser jáne stsenarııshi Farhat Sháripovtiń «18 kılogerts» fılmi Varshavadaǵy 36-shy halyqaralyq kınofestıvaldiń gran-prı júldesine ıe boldy.
Avtory Rýslan Súleımenov