Qazaqstandyq kınolog-áskerı qyzmetshiler qyzmettik ıtterdiń sheberligin kórsetti (FOTO)
Tórt aıaqty mına izdeýshiler ózderiniń jolbasshylarynyń jetekshilik etýimen jattyqtyrýdyń jalpy aıla-tásilderin oryndady, ózdiginen kólikte jarylǵysh zattardyń zarıadtaryn jáne áskerlerdiń qozǵalýy baǵdary men jerdegi mınalardy anyqtady, dep habarlady QR Qorǵanys mınıstrliginiń baspasóz qyzmeti.
«Bizde belgııalyq, nemis ovcharkalary, labrador ispetti ártúrli tuqymdy 7 ıt bar. Dalalyq synama qorytyndysy boıynsha mına-izdestirý ıtterin qoldaný jáne Qurlyq áskerleriniń quramalary men bólimderinde mına-izdestirý qyzmetin qurý týraly sheshim qaralady», - dep atap ótti QR QK Qurlyq áskerleri bas qolbasshysynyń birinshi orynbasary - bas shtab bastyǵy general-maıor Ádilbek Aldabergenov.
Onyń aıtýynsha, búgin Qazaqstannyń Qurlyq áskerlerinde dál mına-izdestirý mamandyǵyndaǵy qyzmettik ıtterge qajettilik týyndaýda.
Bul ıtter mına-jarý qorshaýlaryn barlaý jáne onda ótýlerdi jasaý, eldi mekenderde, temirjol jáne avtomobıldi joldarda obektilerdi mınasyzdandyrý, jarylǵysh zattardyń zarıadtarynyń bolýyna obektiler men kólikti tekserýge arnalǵan.
Kınolog áskerı qyzmetshilerdiń aıtýynsha, ıtpen baılanys ornatý asa mańyzdy. «Ol kóńil-kúıdi birden sezedi, árqashan adaldyqpen jaýap beredi. Mına-izdestirý qyzmetine sabyrly minezdi ıtter tańdalady. Oqytý kezinde jarylǵysh qurylǵylardyń elestetý quraldary, sondaı-aq tomaǵa kerek-jaraǵy, uzyn shylbyrlar, arnaıy kıim qoldanylady. Itti daıyndaý, demaldyrý jáne baptaý erejeleri muqııat saqtalady. Itke belgili bir tamaqtaný ratsıony tıesili, aı saıyn arnaıy medıtsınalyq tekserý júrgiziledi, ıtterge ekpe egiledi.
«Akıra esimdi qyzmettik ıtpen men eki aılyǵynan bastap jumys jasap júrmin. Eń basynda jalpy úıretý kýrstary boldy. Odan keıin jarylǵysh zattardyń bolýyna oqytý ótkizildi. Itti azyq-túlikti ıiskep bilý ádisimen oqyttym. Keıinnen birtindep oıynshyqtar, doptar arqyly oıyn túrine kóshtim. Ári qaraı ıttiń jumysyn jarylǵysh zattardy almastyrǵyshtarmen jetildire tústim», - deıdi ınjenerlik-saperlik polktiń áskerı qyzmetshisi serjant Sársenbek Orazaev.
Atalmysh mına-izdestirý ıtterin daıyndaý eki jyl boıy QR QK Qurlyq áskerleriniń birneshe bólimderinde júrgizildi. Kınologtardyń nemese qyzmettik ıtterdiń bapkerleri aldyn ala QR QK Áskerı polıtsııa, Shekara qyzmeti jáne Ulttyq ulan organdarynyń mamandandyrylǵan kınologııalyq ortalyqtarynda bilimderin shyńdady.
