Qazaqstandyq kınokartına tuńǵysh ret Búkilálemdik kıno qorynyń júldesin ıelendi
ALMATY. 15 qańtar. QazAqparat - Sháken Aımanov atyndaǵy «Qazaqfılm» AQ shyǵarǵan rejısser Emır Baıǵazın túsirgen «Úndestik sabaqtary» («Ýrokı Garmonıı») fılmi Búkilálemdik kıno qorynyń júldesin jeńip aldy. Kompanııanyń baspasóz qyzmetiniń habarlaýynsha, qazaqstandyq kınokartına 43 elden kelgen 122 ótinishtiń arasynan iriktelip alynǵan kórinedi.
«Úndestik sabaqtary» alǵash ret Lokarno kınofestıvalinde Open Doors kınoforýmyna usynyldy. 2011 jyly joba «Qazaqstandyq kınojobalar naryǵynda» jeńimpaz atanyp, «Qazaqfılm» kınostýdııasynda iske qosyldy. Stsenarıı avtory jáne rejısser Emır Baıgazın - Azııalyq kınoakademııaǵa (Pýsan halyqaralyq kınofestıvali janyndaǵy) jáne Talent Campus-qa (Berlın halyqaralyq kınofestıvali janyndaǵy) qatysty. Onyń qysqametrajdy fılmderi halyqaralyq kınofestıvalderde túrli júldeler jeńip aldy.
Jalpy Búkiálemdik kıno qory 2004 jyly Berlın kınofestıvalinde qurylǵan bolatyn. Onyń maqsaty - ınnovatsııalyq estetıkalyq ádispen myqty tarıhty aıta alatyn jáne kórkem kórsete alatyn fılmderdi qoldaý. Bul baǵytta olar jyl saıyn óndiris kezeńindegi jobalarǵa birneshe qarjylaı júlde tabys etedi. Máselen mundaı júldeni ıelengen rejısser Apıchatponga Verasetakýlanyń «Býnmı aǵa óziniń ótken ómirlerin biledi» («Dıadıýshka Býnmı, kotoryı pomnıt svoı proshlye jıznı») fılmi 2010 jylǵy Kann kınofestıvalinde Altyn palma butaǵyn jeńip aldy. Rejısser Klaýdııa Losanyń «Sút kúızelisi» («Moloko skorbı») fılmi 2009 jyly Berlın Kıofestıvaliniń Altyn aıý, 2010 jyly Oskar syılyǵy atalymynda jáne rejısser Hanı Abý-Assadanyń «Jumaq qazir» («Raı seıchas») fılmi 2006 jyly Altyn globýs pen Oskar syılyǵy atalymynda jeńimpaz atandy.
