Qazaqstandyq kıno óneri jastarǵa arnalǵan «Sýper Baha» fılmimen tolyqty
ALMATY. 14 maýsym. QazAqparat /Ádilet Musahaev/ - Keshe Almatyda I qazaqstandyq «Er Tóstik» anımatsııalyq fılmder festıvali aıasynda rejısser Tólegen Baıtúkenov pen Tımýr Qasymjanovtyń «Sýper Baha» fılminiń BAQ ókilderine arnalǵan kórsetilimi ótti.
Komedııalyq komıks janrynda túsirilen fılm qarapaıym eki bozbalanyń kúndelikti ómirinen syr shertedi. Bahanyń «Botanık» degen laqap atqa ıe dosy adamnyń kúshin arttyratyn dárini oılap taýyp, ony dosyna ishýge úgitteıdi. Nátıjesinde Bahanyń boıynda tylsym kúsh paıda bolyp, ol qaladaǵy qaýipti adamdarmen jáne qoǵamdaǵy ádiletsizdikpen kúresedi.
12 men 19 jas aralyǵyndaǵy jastarǵa arnalǵan bul fılm 16 maýsymnan bastap ulttyq prokatqa shyǵady.
