Qazaqstandyq kıkboksshylar Bakýdegi týrnırde baq synaýda

BAKÝ. QazAqparat - Bakýde Túrkitildes memleketterdiń yntymaqtastyq keńesine múshe elder arasynda alǵash ret halyqaralyq kıkboksıng týrnıri ótýde. Oǵan Qazaqstan, Ázerbaıjan, Túrkııa jáne Qyrǵyzstan sportshylary qatysyp jatyr, dep habarlaıdy «QazAqparat» HAA tilshisi.

Bizdiń sportshylarymyz jeti salmaq boıynsha synǵa tústi. Olar: Nurlan Tólegenov (51 kg), Balǵabaı Fazylhan (60 kg), Safar Ahmadov (63 kg), Qanaǵat Nurǵalıev (67 kg), Baqytbek Shyntemir (71 kg), Mıhaıl Tatkov (81 kg) jáne Zahar Vorobeı (91 kg). 51 kelige deıingi salmaqta óziniń túrkııalyq qarsylasy Aıdjan Kaıdy jeńgen Núrken Tólegenov fınalda ázerbaıjandyq Anar Mamedovpen kúsh synasady. Baqytbek Shyntemir de fınalǵa shyqty, ol tehnıkalyq nokaýtpen túrik sportshysy Tolga Býrany shań qaptyrdy. Aqtyq oıynǵa shyqqandar qatarynda Zahar Vorobeı de bar.

«Biz jarysqa Ázerbaıjan kıkboksıng federatsııasynyń shaqyrýymen keldik. Bul sharanyń maqsaty - túrki tildes elder ózimizdiń tegimizdi, tarıhymyzdy jáne salt-dástúrimizdi bilip júrý úshin jasalǵan qadamdardyń biri. Biz óz retimizde sporttyq sharaǵa qatysý arqyly oǵan úlesimizdi qosatyn bolamyz», - deıdi qazaqstandyq kıkboksıng federatsııasynyń prezıdenti Tastanbek Esentaev.