Qazaqstandyq kıkboksshylar Azııa chempıonatynda 24 altyn medal utty (FOTO)
ASTANA. QazAqparat - 1-9 tamyz aralyǵynda Úndistannyń Pýna qalasynda kıkboksıngten kezekti Azııa chempıonaty ótti, oǵan «sary» qurylyqtyń 17 elinen myqty «faıterler» qatysty. Bul týraly ShUK jáne SR dırektsııasynyń baspasóz qyzmeti habarlady.
Azııa qurlyǵy kóshbasshylarynyń biri - Qazaqstan quramasy Azııa chempıonatynda zamanaýı kıkboksıngtiń úsh bólimine qatysty: K-1, loý-kık jáne fýll-kontakt. Ótken jarys nátıjesi boıynsha tájirıbeli bapker Qaırat Smaǵulovtyń basshylyǵymen 31 sportshydan turatyn bizdiń komanda jalpykomandalyq esepte birinshi orynǵa ıe boldy. Komandamyzdyń qanjyǵasynda 24 altyn, 5 kúmis jáne 2 qola medal bar. Azııa chempıonatynyń nátıjesi boıynsha úzdik bapker qazaqstandyq koých Sansyzbaı Ibraev atandy.
