Qazaqstandyq kıkboksshy qytaılyq qarsylasyn 2 mınýtta nokaýtqa túsirdi
ASTANA.QazAqparat - Qazaqstandyq aralas jekpe-jekten sport sheberi Mergen Qııalov Qytaı astanasy Beıjińde ótken Kunlun Fight 72 týrnırinde jeńiske jetti, dep habarlaıdy QazAqparat Jenmın Jıbao-ǵa silteme jasap.
75 keli salmaqta sharshy alańǵa kóterilgen otandasymyz, Qytaıdaǵy tanymal sportshy Jań ıAngke qarsy judyryqtasyp, qarsylasyn 2 mınýt 15 sekýndta nokaýtqa túsirdi.
Aıta keteıik, Kunlun Fight Qytaıdaǵy eń tanymal aralas jekpe-jek týrnıri bolyp, ár jyly 30 týrnır ótkiziledi. Buǵan deıin qazaqstandyq tanymal sportshy Beıbit Nazarov ta osy týrnırdiń chempıony atanǵan bolatyn.
