Qazaqstandyq «Keńse arýy» halyqaralyq sán baıqaýyna qatysady
ASTANA. QazAqparat - Almatylyq arý Adel Kamerdınova Máskeý qalasynda ótetin «Keńse arýy - 2017» halyqaralyq baıqaýynyń aqtyq kezeńine qatysatyn boldy, dep habarlaıdy «QazAqparat» HAA tilshisi.
Aıta ketsek, «Keńse arýy - 2017» halyqaralyq baıqaýy osymen segizinshi ret ótkizilip otyr. Máskeýde 1 jeltoqsan kúni ótetin sán saıysyna búkil TMD elderiniń arýlary qatyspaq. Qazylar alqasynyń sheshimimen birge baıqaýǵa qatysýshylarǵa ınternet arqyly daýys berýge bolady. Osyǵan deıin baıqaýdyń aqtyq kezeńine joldama alýshylardy anyqtaý úshin búkil TMD elderinde 23 kastıng uıymdastyrylyp, eń sulý degen 95 arý iriktelip alynǵan. Baıqaýdyń jeńimpazyna 1 mıllıon rýbl qarjylaı syılyq tabystalmaq.
Atalǵan baıqaýda Qazaqstannyń atynan shyǵatyn Adel Kamerdınova Bolat Aıýhanovtyń balet mektebinde úsh jastan bastap bı ónerine úırengen. Úsh tilge júırik Adel AQSh-ta eki jyl oqyp kelgen. Óziniń aıtýynsha, Adeldiń otbasynyń músheleriniń barlyǵy turaqty túrde qaıyrymdylyq kórsetedi.
«Uniqkids» balalar ortalyǵynda horegoraf bolyp jumys isteımin. Bes jyl buryn turmys qurǵanmyn. Úsh jasar kishkene qyzymyz bar. Kórkimen birge aqyly, oı-tanymy, shyǵarmashylyq qabiletin aıqyndaıtyn sán saıysynan jeńispen oralýdy maqtap etýdemin», - deıdi Adel.
