Qazaqstandyq kedenshiler «Baký-Aqtaý» áýereısi jolaýshysynan dinı mazmundaǵy 300-den astam ádebıet tapty
ASTANA. 4 sáýir. QazAqparat - «Baký-Aqtaý» áýereısi jolaýshysynyń júginen dinı mazmundaǵy 300-den astam kitap tabyldy.
Bul týraly Mańǵystaý oblysy boıynsha kedendik baqylaý departamentiniń baspasóz qyzmetinen habarlady.
Aqtaý halyqaralyq áýejaıynda kontrabandaǵa qarsy kúres basqarmasynyń jáne «Áýejaı-Aqtaý» keden beketiniń qyzmetkerleri kedendik tekserýdi ótkizý barysynda «Baký-Aqtaý» áýereısi jolaýshysynyń joljúginen dinı mazmundaǵy kitaptardy anyqtady. Ol QR azamaty, 1989 jyly týǵan, Mańǵystaý oblysy, Munaıly aýdany, Qyzyltóbe kentiniń turǵyny bolyp shyqty.
Tintý barysynda arab tilindegi 300-den astam kitap tárkilendi. Saraptama taǵaıyndaldy. Kitaptardyń mazmuny aıqyndalǵan soń, tıisti protsessýaldy sheshim qabyldanatyn bolady.
