Qazaqstandyq kaskaderler Keıptaýnda kınoǵa túsýge daıyndalyp jatyr

Olar Netflix pen HBO jobalaryna qatysyp jatyr.

Qazir kaskaderler OAR Keıptaýn qalasynda Cinemax/HBO kınokompanııasynyń Warrior («Jaýynger») fılminiń ekinshi maýsymyna túsirilim jumystaryn qatysý úshin jattyǵyp jatyr.

Serıal ıdeıasynyń avtory - Brıýs Lı, jobanyń shoýranneri - Djonatan Tropper, rejısser - Djastın Lın («Forsaj 5 ı 6», «Jekpe-jek», «Naǵyz detektıv» serıaly).

Fılm 19 ǵasyrdyń basyndaǵy oqıǵalardy sýretteıdi.

Basty keıipker - jas qytaı emmıgranty, shyǵys jekpe- jeginiń sheberi qalasyndaǵy buzaqylar soǵysyna ilinip ketedi.

Serıaldyń birinshi maýsymy álemdik prokatqa 5 sáýirde shyǵady.

Warrior serıalynyń qoıýshysy Hitz International halyqaralyq uıymynyń jetekshisi - Brett Chan. Nomad Stunts jetekshisi Jaıdarbek Kúnǵojınov bul uıymnyń músheliginde bar.

Sonymen qatar, qazaqstandyq kaskaderler Netflix kompanııasynyń jańa jobasyna qatysý úshin arnaıy kastıngten ótti. Túsirilim jumystary Chehııada júrgiziledi.

«Jańa Zelandııada Disneydiń «Mýlan» serıalyna túsirilim jasap jatqan kezde osy jobaǵa shaqyrtý keldi. Ázirge serıaldyń ataýyn aıta almaımyz. Bul - tarıhı kartına. Bizdiń qyzymyz Jibek Jappasbaeva basty róldegi keıipkerdi somdaıtyn bolady. Qazirdiń ózinde ol semserlesýden sheberlik sabaqtaryn alýdy bastap ketti», - dedi Nomad Stunts jetekshisi, QR Eńbek sińirgen qaıratkeri Jaıdarbek Kúnǵojınov.

Aıta ketý kerek, otandyq kaskaderlerdiń fılmografııasynda bul birinshi joba emes. 2014-2016 jyldary Nomad Stunts Marco Polo serıalynyń eki maýsymynda óner kórsetken bolatyn.

Nomad Stunts - osy ýaqytqa deıin «Mýlan», «Tobol», «Tomırıs», «Neýderjımye 2», «47 ronınov», «Kóshpendiler», «Mońǵol», «Vıkıng», «Myń bala», «Anaǵa aparar jol», «Ertýgrýl» serıalynda, bollıvýd fılmderi «Manıkarnıka: Koroleva Djhansı», «Hýndıstan basbuzarlary» kınolarynda oınap úlgerdi.

Olar Gollıvýd pen Bollıvýdtiń belgili stýdııalarymen, belgili rejısserlermen baılanys ornatqan.