Qazaqstandyq kaskaderler Djekı Channyń jańa fılminiń túsirilim alańynda boldy
ASTANA. QazAqparat – Qazaqstannyń «Nomad Stunts» halyqaralyq kásibı kaskaderler toby álemge tanymal akter, kaskader, rejısser ári prodıýser Djekı Chanmen kezdesti, dep habarlaıdy QazAqparat tilshisi.
«Armandar oryndalady. Djekı Chanmen tanysyp, onyń jańa fılminiń túsirilim alańynda boldyq. Ázirge basqa eshteńe aıta almaımyz. Biraq aldaǵy ýaqytta jaqsy jańalyq kútińizder», - dep jazdy kaskaderler Instagram-daǵy resmı paraqshalarynda.
«Nomad Stunts» kaskaderleri «Disney» túsirgen «Mýlan», Netflix-tiń «Tomırıs», «Korolge hat», Kıaný Rıvz basty rólde oınaǵan «47 ronın», «Neýderjımye 2», «Reketır 2», «Anaǵa jol», «Shal» syndy fılmderge qatysqan.
Topty 2000 jyly trıýk qoıýshy, Qazaqstannyń eńbek sińirgen qaıratkeri Jandarbek Kúnǵojın qurǵan bolatyn.
