Qazaqstandyq kásiporyndarda jumys ornynyń sany arta ma - saýalnama
ASTANA. QazAqparat - QR Eńbek jáne halyqty áleýmettik qorǵaý mınıstrligi áleýmettik saýalnama júrgizý arqyly elimizdegi kásiporyndardyń 2018 jyly óz shtattaryn qanshaǵa ulǵaıtatynyn anyqtady, dep habarlaıdy «QazAqparat» HAA tilshisi.
«Biz sonymen qatar jumys berýshilerge saýalnama júrgizemiz, sońǵy saýalnamamyz qyrkúıek aıynda aıaqtalǵan. Saýalnamaǵa enbek.kz portaly arqyly Qazaqstandaǵy 10 myńnan astam kásiporyn qatysty. Olardyń 1 myńnan astamy 250 adamnan artyq qyzmetkeri bar iri kásiporyndar», - dedi «Eńbek resýrstaryn damytý ortalyǵy» AQ prezıdenti Dáýlet Arǵyndyqov telefon arqyly áńgimelesý barysynda.
Onyń aıtýynsha, atalǵan kásiporyndardyń 83 paıyzy shtat kólemin ulǵaıtý jaǵyn josparlamaǵan, 1,2 paıyzy kerisinshe shtat sanyn kemitýdi oılaǵan, 15 paıyzy shtatty ulǵaıtýdy josparlap otyrmyz dep jaýap bergen.
«Shtatty kóbeıtpek bolyp otyrǵan kásiporyndardyń kóbi - turǵynjaılarǵa qyzmet kórsetý, azyq-túlik, bilim, densaýlyq saqtaý salalarynda qyzmet etetin kompanııalar. Kemitpek bolǵan kásiporyndardyń kópshiligi jyljymaıtyn múlik operatsııalary jáne kásibı ǵylym salasynda qyzmet etedi», - dedi D.Arǵyndyqov.
