Qazaqstandyq kásiporyndar Qytaıda saýda úıin ashady
«Tamaq jáne aýyl sharýashylyǵy salasy óte jaqsy tájirıbe kórsetip otyr. Qytaıda jaıylymdar men egistik alqaptary jyl saıyn qysqara túsýde. Al Qazaqstanda ekologııalyq taza óndiris bar. Bul baǵyt Qazaqstannyń ekinshi munaıyna aınalady. Búgin biz qazaqstandyq jáne qytaılyq kásiporyndar arasynda kelissózder júrgizbekpiz. Qazanda Qytaıǵa, Shensı ólkesiniń Sıan qalasyna bizdiń saýda mıssııamyzdyń barýy josparlanǵan. Onda iskerlik kezdesýlerden bólek qazaqstandyq kásiporyndar Qazaqstannyń saýda úıin de ashady», - dedi Nuraly Bókeıhanov.
Onyń sózine qaraǵanda, qazaqstandyq tarapqa paıdalaný úshin arnaıy ekonomıkalyq aımaqtan 5 myń sharshy metr saýda alańy men 10 myń sharshy metr bos qoımalar beriledi. Sonymen qatar dúkenderde Internet qoljetimdi bolady. Qazaqstan saýda úıiniń ashylýy osy jyldyń 18 qazanyna josparlanǵan.
«Saýda úıine qazirdiń ózinde 25 otandyq óndirýshi tirkelgen. Degenmen, bul alǵashqy kezeńi ǵana. Tolyqtaı alǵanda, bul saýda úıine 100-den astam qazaqstandyq kompanııa syıyp ketedi. Saýda úıinde otandyq óndirýshilerdiń ónimderi qoıylyp, olar qytaılyq tutynýshylarǵa usynylady. Birinshi kezekte bul saýda úıi qytaı kásipkerleri men tutynýshylaryna bizdiń ónimderimizdi tanystyrý qyzmetin atqarady. Al negizgi saýda-sattyq Internet tuǵyrnama arqyly júrgiziledi», - dedi ol.