Qazaqstandyq kásiporyndar kúnine 170 myń medıtsınalyq maska shyǵarady
«Medıtsınalyq maska boıynsha Almaty, Jambyl, Túrkistan oblystarynda jáne Shymkent qalasynda 5 kásiporyn bar. Birinshiden, qazirgi ýaqytta bul kompanııalar kúnine 170 myń medıtsınalyq masqa shyǵarady. Ekinshiden, elimizde bir aıda 5 mln maska shyǵarylady jáne qazir otandyq óndirýshilerdiń óz kórsetkishin arttyryp, 5 mln-nan 6,5 mln-ǵadeıin maska shyǵaratyn múmkindikteri bar», - dedi B. Qamalıev Úkimet úıinde ótken brıfıngte.
Onyń aıtýynsha, búgin Úkimette maska shyǵaratyn kompanııa ókilderimen jınalys ótedi.
«Sonymen birge, «Dolce» kompanııasynda shıkizattyń jetispeýshiligi máselesi kóterilgen bolatyn. Onyń sebebi, Qytaı Halyq Respýblıkasy maska shıkizatynyń 50 paıyzyn maskamen qaıtarý jóninde talap qoıǵan bolatyn. Bul jóninen kerekti qujattar Densaýlyq saqtaý mınıstrligi arqyly jasalyp jiberildi. Sondyqtan, búgin saǵat 12-de Úkimette vıtse-premer Roman Sklıardyń jetekshiligimen taǵy jınalys jasaımyz. Oǵan medıtsınalyq maska shyǵaratyn kompanııa ókilderi keledi. Olardyń qansha shıkizaty qalǵanyn, qansha maska shyǵara alatynyn anyqtaımyz. Bizdegi aqparat boıynsha, otandyq kásiporyndarda jyl aıaǵyna deıin kerekti shıkizat bar. Bul máseleni Úkimettiń baqylaýynda ustap otyrmyz», - dedi vıtse-mınıstr.
Aıta keteıik, búgin QR Premer-Mınıstri Asqar Mamın koronavırýs ınfektsııasynyń aldyn alý maqsatynda mınıstrlikterge birqatar tapsyrma berdi.
