Qazaqstandyq kásiporyn basshylary shetelde tegin taǵylymdamadan óte alady

ASTANA. QazAqparat - «Bıznestiń jol kartasy-2020» memlekettik baǵdarlamasynyń aıasynda otandyq kásiporyn basshylary úshin shetelde bıznes taǵylymdamadan ótý jáne ondaǵy áriptesterimen iskerlik baılanys ornatý múmkindigi týdy, dep habarlaıdy QazAqparat.

«Kásiptegi joǵary jáne orta býyndy jetekshilerdiń biliktiligin arttyrý maqsatynda «Bıznestiń jol kartasy-2020» memlekettik baǵdarlamasynyń «Іskerlik baılanys» jobasy boıynsha oqýǵa ótinim qabyldaý bastaldy. Ótinim elimizdiń barlyq óńirinde ústimizdegi jyldyń mamyr-qazan aıy aralyǵynda qabyldanady», - dep habarlaıdy «Atameken» UKP baspasóz qyzmeti.

Habarlamada aıtylǵandaı, oqytý jobasy eki kezeńnen turady, onyń birinshisi óz elimizde ótedi. Onda qatysýshylar bıznes-trenıngten ótip, bıznes-jospar ázirleý, sol sııaqty otandyq jáne sheteldik bıznes-trenerlerdiń jetekshiligimen kásiporyndaryn damytýǵa qajetti bilim men mashyqty ıgeredi.

Ekinshi kezeńde, jobaǵa qatysýshylar úshin shetelde bıznes-taǵylymdamadan ótý, sonymen qatar sheteldik áriptestermen iskerlik baılanys ornatý qarastyrylǵan.

Jobaǵa qatysýǵa qoıylatyn talaptar:

Kásiporyn shaǵyn jáne orta kásipkerlik deńgeıine jatýy tıis;

Kásiporynnyń qazirgi qyzmeti ekonomıkanyń basymdyqqa ıe sektorlary tizbesine saı kelýi tıis; Qatysýshynyń qyzmeti - kásiporyn jetekshisiniń orynbasarynan tómen bolmaýy kerek.

Qosymsha aqparat alý úshin 1432 nómirli call-ortalyǵyna nemese Qazaqstan boıynsha 8-800-080-80-10 (kez kelgen qaladan tegin) baılanys nómerine habarlasýǵa bolady.