Qazaqstandyq kásipodaqtar N.Nazarbaevtyń saılaýǵa qatysý týraly sheshimin qoldaıdy
ASTANA. QazAqparat - QR Kásipodaqtar federatsııasy atqarýshy komıtetiniń músheleri kezekti otyrysynda Memleket basshysy Nursultan Nazarbaevtyń saılaýǵa qatysý týraly sheshimine qoldaý bildirdi.
Qazaqstan Respýblıkasy Kásipodaqtar Federatsııasy áleýmettik-eńbek qatynastary salasyndaǵy memlekettik saıasatty ázirlep, iske asyrýǵa yqpal etedi, jaldamaly jumyskerlerdiń áleýmettik-ekonomıkalyq quqyqtaryn qorǵaýdy uıymdastyrýda túrli jumystar júrgizedi jáne Demokratııalyq kúshterdiń jalpyulttyq koalıtsııasynyń múshesi retinde eldiń qoǵamdyq-saıası ómirine atsalysady. Atqarýshy komıtet músheleri el Prezıdentiniń kásipodaq qozǵalysyn qalyptastyrý jáne damytýdaǵy rólin atap ótip, Elbasy saıasatynyń arqasynda eńbekker memlekettiń basty tiregine aınalǵanyna basty nazar aýdardy, dep habarlaıdy federatsııanyń baspasóz qyzmetinen. Prezıdenttiń Qazaqstan halqyna Joldaýlary, strategııalyq qujattar men memlekettik baǵdarlamalar eldiń tabysty áleýmettik-ekonomıkalyq damýyna, eńbekker mártebesiniń ósýine, áleýmettik-eńbek qatynastarynyń jetildirilýine, jumyssyzdyqty azaıtý, qoǵamdyq birlestikter men kásipodaqtardyń azamattyq qoǵamdy qalyptastyrýdaǵy róliniń artýyna baǵyttalǵan, dep atap ótti Kásipodaqtar federatsııasy atqarýshy komıtetiniń músheleri.
