Qazaqstandyq kásipqoı boksshylardyń IBF-tegi reıtıngi jarııalandy
NUR-SULTAN. QazAqparat - Halyqaralyq boks federatsııasy (IBF) barlyq salmaq dárejeleri boıynsha reıtıngtiń jańa nusqasyn jarııalady, dep habarlaıdy QazAqparat tilshisi.
«Qazaqstan kásipqoı boksy» federatsııasy qazaqstandyq profı-boksshylarǵa qatysty reıtıngtegi ózgeristerdi usyndy: orta salmaqta Gennadıı Golovkın álem chempıony mártebesine ıe boldy. Al Meıirim Nursultanov onynshy oryndy saqtap qaldy. TOP-15-tegi alǵashqy eki oryn – bos. Úshinshi orynda - polıak Kamıl Sheremet tur.
WBA Inter-Continental, WBO Oriental jáne IBF Pan Pacific tıtýldarynyń ıegeri Nursultan Jańabaev óz dıvızıonynda on birden segizinshi orynǵa kóterildi. Bul jerde chempıondyq tıtýl AQSh-tan kelgen Errol Spenske tıesili. Reıtıngtiń kóshbasshysy – ózbekstandyq Kýdratıllo Abdýkahorov. Ekinshi oryn bos tursa, reseılik Sergeı Rypınets alǵashqy úshtikti túıindegen.⠀
Birinshi jartylaı orta salmaqta WBA Continental jáne IBF Inter-Continental chempıony Batyr Júkembaev áli 11-shi orynda. Bul reıtıngte chempıon - brıtandyq Djosh Teılor. Al úzdik úshtikke Apınýn Hongsong (Taıland), Sýbrıel Matıas (Pýerto-Rıko) jáne Lıam Paro (Avstralııa) jaıǵasqan.
