Qazaqstandyq kásipqoı boksshy Vıtalıı Demıanenko óziniń sporttyq mansabyn aıaqtady
ASTANA. 3 maýsym. QazAqparat - Qazaqstandyq 29 jasar kásipqoı boksshy Vıtalıı Demıanenko óziniń sporttyq mansabyn aıaqtaýǵa sheshim qabyldady, dep habarlaıdy Vesti.kz..
«Bul jaıynda aıtý ońaı emes, biraq men 17 jyl júrgennen keıin bokstan ketýge sheshim qabyldadym. Sebepter san túrli, sonyń ishinde medıtsınalyq kórsetkishter de bar. Álem chempıony bola almaǵanym óte ókinishti. Men WBO reıtınginde tórtinshi bolyp turǵam, tek bir qadam jasaýym kerek edi. Qazir ózimniń jańa laýazymyma úırenip kelemin - Astana Arlans klýbynyń menedjerimin. Bul jumys maǵan óte qyzyqty», - dep málimdedi V. Demıanenko.
Osy jyldyń aqpan aıynda ǵana V. Demıanenko óz mansabyn toqtatý áli josparda joq ekenin aıtqan bolatyn. Biraq ótken maýsym sátsiz aıaqtalǵandyqtan oǵan demalys qajet boldy. Sportshy ótken jyldyń jeltoqsan aıynda Jańaózende Tuńǵysh Prezıdent kúni men Qazaqstan kásipqoı boks federatsııasynyń qurylǵanyna 20 jyl tolýyna oraı uıymdastyrylǵan boks týrnırinde sharshy alańǵa shyqqan bolatyn. Sol kezde ol Afrıkanyń serkesi kishi Prınts Dokýdi senimdi túrde jeńgen edi.
Boxrec.com portalynyń statıstıkasyna súıensek, qazaqstandyq sportshy kásipqoı rıngte 22 ret jeńiske jetip, onyń 12-sin nokaýtpen aıaqtaǵan eken. V.Demıanenko sharshy alańda eshkimnen jeńilgen joq.
