Qazaqstandyq kásipqoı boksshy qarsylasyn nokaýtqa túsirdi
NUR-SULTAN. QazAqparat – Almaty qalasynda kásipqoı boks keshi ótti, onyń qatysýshylarynyń biri qazaqstandyq boksshy Dıas Tastemirov (4-0, 4 KO) boldy, dep habarlaıdy QazAqparat na Sports.kz saıtyna silteme jasap.
Tastemirovtiń qarsylasy debıýtant, Belarýs eliniń boksshysy Artem Sheverov bolǵan. Sýperortasha salmaqtaǵy jekpe-jek Dıas Tastemirovtiń birinshi raýndtyń ózinde-aq tehnıkalyq nokaýtymen aıaqtaldy. Nokaýttyń aldynda referı Sheverovqa nokdaýn eseptegen.
Osylaısha, 29 jastaǵy qazaqstandyq boksshy kásibı alańda ótkizgen besinshi jekpe-jegin jeńispen aıaqtady. Atap ótsek, onyń bes aıqasynyń barlyǵy nokaýtpen aıaqtalǵan. Tastemirov úshin bul 2020 jyly ótken birinshi jekpe-jek boldy. Artem Sheverov bolsa, óziniń kásibı mansabyn jeńilisten bastady.
