Qazaqstandyq kásipqoı boksshy Isa Aqberbaev kelesi jekpe-jegin 30 sáýirde ótkizedi
ASTANA. QazAqparat - Qazaqstandyq kásipqoı boksshy Isa Aqberbaev 30 sáýirde sharshy alańǵa shyǵady, dep habarlady Vesti.kz.
32 jastaǵy boksshy Danııada jekpe-jek ótkizedi. Kezdesý 12 kezeńnen turady. Qazaqstandyq birinshi aýyr salmaqtaǵy Global Boxing Council belbeýin qorǵaýy múmkin.
Boxrec.com resýrsynyń aqparatynsha, qazaqstandyqtyń qarsylasy áli anyqtalmady. Búginde Aqberbaev 16 ret jeńiske jetken. 11 qarsylasyn nokaýtqa jiberdi.
Aıta keteıik, bul Isa Aqberbaevtyń 2016 jylǵy birinshi jekpe-jegi bolmaq. Ol sońǵy jekpe-jegin byltyr maýsym aıynda brazılııalyq Jýlıo Sezar Dos Santospen ótkizip, jeńiske jetken edi.
