Qazaqstandyq kásipqoı boksshy Germanııada kezekti reıtıngtik jekpe-jekte reseılik bylǵary qolǵap sheberin utty
ALMATY. Qarashanyń 23-i. QazAqparat /Erlik Erjanuly/ - Germanııanyń Kıl qalasynda kásipqoı bokstaǵy jekpe-jekterinde buǵan deıin birde-bir jeńilis tappaǵan Qazaqstan men Reseı bylǵary qolǵap sheberleriniń reıtıngtik kezdesýi ótti,
dep habarlaıdy QazAqparat.
10 raýndyq bul jepe-jek merziminen buryn aıaqtaldy. Onda qazaqstandyq Gennadıı Golovkın 2-shi raýndta qarsylasyn nokaýtpen utyp, óziniń kásipqoı bokstaǵy 19-shy jeńisine qol jetkizdi. Gennadıı óziniń 15 jekpe-jegin nokaýtpen aıaqtap otyr. Onyń bul jolǵy qarsylasy osy ýaqytqa deıin 10 kezdesý ótkizip, onyń 5-ýin merzimimen buryn aıaqtaǵan reseılik Mıhaıl Makarov boldy. Ol sońǵy kezdesýin aqpannyń 14-i kúni Fınlıandııanyń Tampere qalasynda ótkizip, onda latvııalyq Denıs Alekseevti utqan.
Jalpy bul týrnırde Gennadıı Búkilálemdik boks uıymynyń nusqasy boıynsha qurlyqaralyq chempıon ataǵyn qorǵaý úshin amerıkandyq Ishe Smıttpen kezdesýi kerek edi. Qarsylasy jattyǵý kezinde jaraqat alyp qalǵandyqtan qazaqstandyq bylǵary qolǵap sheberimen judyryq túıistirýge sońǵy sátte reseılik boksshy táýekel jasaǵan. Alaıda buǵan deıin birde-bir ret jeńilmegen M. Makarov jeńilistiń aşy dámin tatýǵa májbúr boldy.
