Qazaqstandyq kásipqoı boksshy Baqtııar Eıýbov Ázerbaıjan týynyń astynda óner kórsetpek
"Qazirgi ýaqytta kelissózder júrgizilýde, demeýshilerdiń atyn ataǵym kelmeıdi. Aıtqym keletini, men Ázerbaıjan atynan shyǵýǵa sheshim qabyldadym. Munyń sebebpteri kóp, kásipqoı boksta órisim keńeıedi, materıaldyq jaǵy taǵy bar. Biraq meniń elim árqashan júregimde qalady. Rıngke eki týdy alyp shyǵatyn bolamyn", - dedi B.Eıýbov.
Onyń sózine qaraǵanda, ol kásipqoı boksqa óz kúshimen shyǵyp, onda óz kúshimen talpynyp júrdi.
"Mende úlken erik-jiger men talmas qaırat qana bar. Barlyq máselelerdi ózim sheship keldim. Jattyǵýdy bir ózim jasadym. Qıyn, árıne. Qazaqstan tarapynan, ókinishke oraı, eshbir kómek bolmady. Kásipqoı bokstaǵy jeńisterime tipti quttyqtaý aıtylmady. Aqtóbe qalasynda, men týyp-ósken qalada jyl qorytyndysy boıynsha meni tipti sporttyq josparlarǵa qospady. Kásipqoı bokstaǵy Aqtóbeniń jalǵyz ókili bolsam da, eshqandaı qoldaý joq", - dep ishki qynjylysyn bildirdi boksshy.
