Qazaqstandyq kásipkerlerge fors-major jaǵdaıyn rastaıtyn anyqtama tegin beriledi
NUR-SULTAN. QazAqparat – Qazaqstandyq kásipkerler Syrtqy saýda palatasynan fors-major jaǵdaıy týraly anyqtama ala alady. Bul týraly «Atameken» UKP kásipkerlerdi quqyqtyq qorǵaý departamentiniń dırektory Shyńǵys Temir aıtyp berdi, dep habarlaıdy QazAqparat tilshisi.
«Tótenshe jaǵdaı rejıminiń engizilýi de úlken fors-major bolyp sanalady. Prezıdenttiń TJ engizý týraly Jarlyǵynda bıznestiń jekelegen túrlerine qyzmetin toqtata turýy kerek nemese shekteýi qajet dep kórsetilgen. ıAǵnı, Jarlyqqa sáıkes, bul bıznestiń óz qyzmetin júzege asyrýǵa quqy joq. Ári qaraı ne isteý kerek? Fors-major jaǵdaılary týraly kýálik alý úshin kásipkerler Syrtqy saýda palatasyna júgine alady. Ol úshin biz qujattardy zertteýdiń jeńildetilgen rejımine aýystyq», - dedi Sh. Temir onlaın-brıfıngte.
Onyń aıtýynsha, qujattardyń skanerlengen kóshirmesin onlain@atameken.kz mekenjaıyna onlaın jiberýge bolady.
«Barlyq suraqtar boıynsha 1432 baılanys ortalyǵyna habarlasýǵa bolady. Sonymen birge, anyqtama berýdi 15 kúnnen 5 kúnge deıin jedeldetip, tótenshe jaǵdaı kezinde tegin berýdi uıǵardyq», - dedi ol.
Buǵan deıin «Atameken» UKP tótenshe jaǵdaıdyń jarııalanýynan zardap shekken kásipkerler týraly baıandady.
