Qazaqstandyq kásipkerler úshin salyqty esepteý jeńildedi jáne basqa tólemder alynyp tastaldy
Pandemııadan zardap shekken sektorlarda jumys isteıtin kásipkerler úshin jańa bólshek salyqtyń arnaýly salyq rejımi engizildi.
Endi olarǵa aınalymnan 3% mólsherinde korporatıvtik nemese jeke tabys salyǵyn tóleý jetkilikti.
Bul shara Memleket basshysynyń tapsyrmasyn oryndaý sheńbrinde engiziledi jáne ýaqytsha – onyń qoldanylýy 2022 jyldyń sońyna deıin jalǵasady.
Memlekettik kirister komıtetiniń baspasóz qyzmeti habarlaǵandaı, rejım erikti.
Ol QR Kásipkerlik kodeksine sáıkes shaǵyn jáne orta kásipkerlik sýbektileri bolyp tanylǵan jáne osy rejımdi qoldaný maqsatynda QR Úkimetiniń qaýlysymen anyqtalǵan qyzmettiń bir nemese birneshe túrin júzege asyratyn shaǵyn jáne orta kásipkerlik sýbektileri úshin kózdelgen. Ol 2 jylǵa eseptelgen.
Salyq salý obektisi jalpyǵa birdeı belgilengen tártippen aıqyndalatyn jáne shyǵystary eskerilmeıtin tabys bolyp tabylady.
Rejımdi qoldaný úshin salyq salý obektisinen 3% mólsherinde salyqtyq mólsherleme belgilengen.
Salyq jeke kásipkerlerden jeke tabys salyǵy túrinde (tólem kózinen ustalatyn salyqtardan basqa), sol sııaqty zańdy tulǵalardan - korporatıvtik tabys salyǵy túrinde túsedi.
Salyq kezeńi – kúntizbelik toqsan.
Bólshek salyqtyń arnaýly salyq rejımine ótýge nıet bildirgender deklaratsııany salyq tóleýshiniń ornalasqan jeri boıynsha salyq organyna esepti salyq kezeńinen keıingi ekinshi aıdyń 15-inen keshiktirmeı tabys etetin bolady.
Olar áleýmettik salyq tóleýshiler bolyp tabylmaıdy.
Kórsetilgen rejımge ótý úshin salyq tóleýshige qoldanylatyn rejım týraly habarlamany (nysany qosa jalǵandy) salyq organyna tabys etý qajet.
Aýysý qoldanylatyn salyq salý rejımi týraly habarlama berilgen aıdan keıingi aıdyń 1-kúninen bastap júrgiziledi.
Aǵymdaǵy sátte kásipkerler habarlamany Memlekettik kirister komıtetiniń saıtynda ornalastyrylǵan nysan boıynsha, «Elektrondyq úkimet» veb-portaly arqyly jáne poshta arqyly nemese tikeleı qaǵaz jetkizgishte salyq tóleýshiniń ornalasqan jeri boıynsha memlekettik kiris organdaryna usyna alady.
Budan ári, QR Ádilet mınıstrligimen habarlamalar nysandary kelisilgennen keıin, tıisti merzimderde bólshek salyqtyń arnaýly salyq rejımine ótý týraly habarlama usynǵan salyq tóleýshilerdi aýystyrý qamtamasyz etiletin bolady.
Sondaı-aq, bólshek salyqtyń arnaýly salyq rejımin qoldanatyn tulǵalardyń aınalymy qosylǵan qun salyǵy boıynsha esepke qoıý maqsattary úshin belgilengen aınalymdarǵa engizilmeıtin norma engizilgenine nazar aýdaramyz.
Qosylǵan qun salyǵyn tóleýshiler bolyp tabylatyn jáne bólshek salyqtyń arnaýly salyq rejımine kóshýdi sheshken tóleýshiler QQS tóleýshi retinde tirkeý esebinen shyǵarylady.
Ol úshin osyndaı rejımdi qoldanýǵa deıin bes jumys kúninen keshiktirmeı salyqtyq ótinish berý qajet.
Budan basqa, eger qyzmettiń birneshe túri, onyń ishinde «Bólshek salyqtyń arnaýly salyq rejımin qoldaný maqsattary úshin qyzmet túrlerin aıqyndaý týraly» Úkimettiń 2021 jylǵy 2 aqpandaǵy №30 qaýlysymen aıqyndalǵan tizbege enbegen tulǵalarmen júzege asyrylsa, onda mundaı jaǵdaıda salyq tóleýshi bólshek salyqtyń arnaýly salyq rejımin qoldanýǵa quqyly emes.
Biryńǵaı jeńildik mólsherlemesimen jáne QQS pen áleýmettik salyqtan bosatýmen bólshek salyq rejımin engizý - pandemııadan zardap shekken ekonomıkanyń sektorlarynda jumys isteıtin bıznes sýbektileri úshin ýaqytsha jáne qajetti qoldaý sharasy jáne olarǵa salyq salýdy aıtarlyqtaı jeńildetýge múmkindik beredi.
