Qazaqstandyq kásipkerler Reseıdegi dıskrımınatsııadan qorqady - Rodostovets
Onsyz qazaqstandyq taýarlardy Reseı porttary arqyly tasymaldaý máselesi qıyndaı beredi, dep xabarlaıdy QazAqparat tilshisi.
"Minekı, bir jyl boldy. Reseı úkimeti óziniń teńiz porttaryndaǵy dıskrımınatsııaǵa jol bermeýge nusqaý bergen. Alaıda, ony qujat júzinde bekitken joq. Ol qujat kabınetten kabınetke áli kúnge deıin kóship júr. Sonyń saldarynan reseılikter teńiz porttarynda óz taýarlary men júkterdi kóbirek ótkizedi de, qazaqstandyq júkterdi ustap qalyp, dıskrımınatsııaǵa jol berip otyrady. Otandyq júk tasymaldaýshylar bolsa, naqty faktilerdi aıtýǵa, tipti, osy máseleni ashyq jarııalaýǵa qorqady. Óıtkeni erteń reseılik porttarda odan da qatty dıskrımınatsııaǵa ushyraımyz dep úreılenedi", - dedi Rodostovets jýrnalısterge bergen suxbatynda.
Onyń aıtýynsha, búginde Eýrazııalyq ekonomıkalyq odaq týraly shartta teńiz porttaryna arnalǵan bólek bir bapty engizgen jón. Onda odaq aıasyndaǵy teńiz porttaryna shyǵý quqyǵy barlyǵyna birdeı bolýy qajet. Sonda dıskrımınatsııa bolmaıdy. Qazirgi kezde odaqtyń basqa músheleri de atalǵan bapty engizýdi qoldap otyr.
Aıta keteıik, búgingi otyrys barysynda QR Energetıka mınıstri Qanat Bozymbaev Qazaqstan kómiriniń eksporty úshin EAEO-ǵa múshe memleketter aýmaǵyndaǵy teńiz porttary qyzmetterine teńdeı qoljetimdilik máselesin kóterdi.
Premer-mınıstr Baqytjan Saǵyntaev reseılik teńiz porttaryndaǵy dıskrımınatsııa máselesin Bishkek qalasynda ótetin Eýrazııalyq úkimetaralyq keńestiń kún tártibine engizýdi tapsyrdy.
