Qazaqstandyq kásipkerler Prezıdentke alǵys aıtty
Toqtalyq Zıekenov sýdy qumnan, tot pen balshyqtan tazalaýǵa arnalǵan polıpropılen súzgiler shyǵaratyn elimizdegi jalǵyz óndiris oshaǵynyń negizin qalaǵan. Ol Qazaqstan Prezıdentine joldaǵan hatynda pandemııa kezinde halyqqa qoldaý kórsetkeni, kópbalaly analarǵa ataýly áleýmettik kómek bergeni úshin rızashylyǵyn bildiredi. Sonymen qatar kásipker otandyq kásipkerlerge belsendi túrde qoldaý kórsetilip jatqandyǵyn, sońǵy jyldary tegin oqý kýrstarynan ótý, sýbsıdııalar men kepilder alý múmkindigi jasalǵandyǵyn atap ótedi. Toqtalyq Zıekenovtiń atap ótýinshe, onyń kompanııasy TMD elderiniń ishinde eń birinshi bolyp óndirýshilerdiń Alibaba.com halyqaralyq portalyna qatysýshy boldy. Memleket qoldaýynyń arqasynda polıpropılen súzgileri Qyrǵyzstan, Ózbekstan jáne Makedonııa elderine eksportqa shyǵarylýda.
«Shyndap kelgende ultymnyń barlyq jetistigin jazyp shyǵý uzaq ýaqytty alady. Degenmen, bul - Sizge Joldaýlaryńyz ben úndeýlerińiz úshin rızashylyǵyn bildiretin baqytty azamattyń haty. Rasynda da Sizdiń qoldaýyńyz árbir turǵynǵa jetip jatyr. Bıznesim úshin elimnen óte kóp qoldaý taptym. Barlyq júıe jumys istep tur jáne bul Sizdiń jumysyńyzdyń tamasha jetistigi. Men elimizdiń birinshi tulǵasynyń qamqorlyǵyn sezinemin. Elimniń atynan súzgiler shyǵaryp jatqanymdy maqtan tutamyn. Men Sizben, elimmen maqtanamyn»,- dep jazady bıznesmen.
Sonymen qatar Toqtalyq Zıekenov hatynda hlordan tazalaýǵa arnalǵan kómir fıltrler óndirisi boıynsha jańa kásiporynnyń ashylǵandyǵyn atap ótedi. Bul atalǵan taýarlardy ózge memleketterden ımporttaý qajettiligin joıady.
