Qazaqstandyq kásipkerler Mońǵolııaǵa barady
ASTANA. QazAqparat - 2018 jylǵy 4-5 qazanda Ulan-Batyr qalasynda (Mońǵolııa) resmı saýda-ekonomıkalyq mıssııa ótedi. Qazaqstannyń Syrtqy saýda palatasy otandyq kásipkerlerdi osy saýda-ekonomıkalyq mıssııaǵa qatysýǵa shaqyrady, dep habarlaıdy Palatanyń baspasóz qyzmeti.
Іs-sharanyń maqsaty - qazaqstandyq jáne mońǵol kásipkerleri arasyndaǵy saýda qatynastaryn damytý, eki el arasynda iskerlik baılanys ornatý.
Mıssııanyń baǵdarlamasynda: saýda-ekonomıkalyq forýmǵa qatysý, Ulan-Batyrdyń memlekettik bılik organdarynyń ókilderimen iskerlik kezdesý, Mońǵolııanyń kásipkerleri men uıymdarynyń ókilderimen iskerlik baılanys josparlanyp otyr.
Іs-sharany Qazaqstannyń Syrtqy saýda palatasy «Atameken» ulttyq kásipkerler palatasymen, Investıtsııalar jáne damý mınıstrligimen, Qazaqstan Respýblıkasynyń Mońǵolııadaǵy Elshiligimen jáne Mońǵolııanyń Ulttyq Saýda-ónerkásiptik palatasymen birlesip uıymdastyrady.
