Qazaqstandyq kásipkerler memlekettik tekserý barysyndaǵy quqyqtary men mindetterin aıqyndaýda
ALMATY. Maýsymnyń 28-i. QazAqparat /Erbol Turymbetov/ - Budan bylaı kásipkerlik qyzmetti tekserýde tekserý júrgizýdiń tártibi men qadaǵalaýdyń naqty shekaralary saqtalynatyn bolady. Ony búgin Almaty kásipkerler qaýymdastyǵynyń prezıdenti Vıktor ıAmbaev «Qazaqstan» baspasóz ortalyǵynda ótken máslıhatta málimdedi,
dep habarlaıdy QazAqparat.
Baspasóz máslıhatyn Qazaqstannyń kásipkerler forýmy, Qazaqstandaǵy bıznes-ortany jaqsartý boıynsha USAID jobasy (BEI) jáne Almaty qalasy quqyqtyq statıstıka jáne arnaıy esepke alý komıteti birlese uıymdastyryp otyr. 2009 jyly shilde aıynda «Jeke kásipkerlik máselesi boıynsha keıbir zańnamalyq aktilerge túzetýler men qosymshalar engizý týraly» Zań qabyldandy. 2010 jyldyń aqpanynda kúshine engen zańda memlekettik organdar úshin tekserý júrgizýdiń tártibi anyqtalyp, tekserý barysyndaǵy qadaǵalaýshy memlekettik organdardyń quqyqtary men mindetteri reglamenttelgen bolatyn.
«BEI jobasy Kásipkerler forýmymen birlese otyryp zańdaǵy ózgertýler men qosymshalar jóninde elimizdiń bes aımaǵynda kásipkerler arasynda saýalnama júrgizdi. Nátıjesinde 80 paıyzy bul zańnan habarsyz bolyp shyqty. Osy máseleni sheshý úshin «Tekserý máselesi jóninde kásipker ne bilýi qajet?» dep atalatyn kitapsha daıyndap, aımaqtardaǵy qaýymdastyqtarǵa tarattyq. Endigide kásipkerlik qyzmetti tekserýde tekserý júrgizýdiń tártibi men qadaǵalaýdyń naqty shekaralary saqtalynatyn bolady. Sonymen qatar, jemqorlyqqa da jol berilmeıdi», dedi Vıktor ıAmbaev.
Otyrysqa qatysýshy Qazaqstannyń kásipkerler forýmynyń dırektory Mýnavara Paltashevanyń aıtýynsha, QR Ekonomıkalyq damý jáne saýda mınıstrligi aımaqtyq deńgeıde ruqsat berýshi qujattardy qaıta qaraý boıynsha jumysty bastaǵan. Onda negizsiz, qaıtalanatyn, eskirgen jáne zańsyz ruqsat berýshi qujattardy anyqtap, olardyń kúshin joıý mindeti alǵa qoıylǵan. Onyń nátıjeleri BAQ-da jarııalanatyn bolady.
