Qazaqstandyq kásibı bokstaǵy alǵashqy qadamyn jeńispen bastady

ASTANA. QazAqparat - Qazaqstandyq boksshy Ómirbaı Jantil kásibı bokstaǵy alǵashqy jeńisine qol jetkizdi, dep habarlaıdy QazAqparat áleýmettik jelidegi «Qazaqstannyń kásibı boksy» tobyna silteme jasap

Máskeýde ótken boks keshinde jartylaı salmaqtaǵy boksshy Ómirbaı Jantildiń qarsylasy reseılik Vıktor Seleznev boldy. Bul eki sportshynyń da kásibı rıngtegi alǵashqy jekpe-jekteri.

Ómirbaı Jantil qarsylasynyń ózinen uzyn bolýyna qaramastan alǵashqy sekýndtardan-aq óziniń kásibı myqtylyǵyn kórsete bildi. Ol V.Seleznevti birneshe ret qatarynan soqqylap, qarsylasyna múmkindik bermedi. Eki  ret nokdaýyn alyp qalǵan V.Seleznev aıqasty jalǵastyrǵysy kelgenimen, tóreshi básekeni toqtatty.

Boksshynyń kelesi kezdesýi 8 qyrkúıek kúni Sankt-Peterbýrgte Fırýza Sharıpovanyń jekpe-jeginiń anderkartynda ótkizedi.

Aıta ketsek, F.Sharıpova atalǵan boks básekesinde Ó.Jantildiń qasynda boldy.