Qazaqstandyq qarshadaı qyz Paralımpıada chempıony bolǵysy keledi
ASTANA. QazAqparat - Qazaqstandyq sportshy Tursynaı Qabyl Dýbaıda ótken Azııa oıyndarynda 41 kelige deıingi salmaq dárejesinde para paýerlıftıngten ótken jarysta birinshi oryndy jeńip aldy, dep habarlaıdy QazAqparat.
Sportshynyń óziniń aıtýynsha, jarysqa daıyndalý ońaı bolǵan joq. Óıtkeni osyǵan deıin alǵan jaraqattardan saýyǵý qajet boldy.
«Men eki operatsııa jasattym, jaraqatymnan soń eki aıdaı ýaqyt boıy jattyqtym. Biz ózimizdi jaqsy jaǵynan kórsetýge tyrystyq jáne ol maqsatymyzǵa jettik»,-dedi Qabyl.
Qysqasy, sportshy Azııa oıyndaryndaǵy óziniń jetistikterine tańyrqap otyrǵan joq.
«2016 jyly jazǵy Azııa oıyndarynda biz birinshi oryn alǵan bolatynbyz. Sol sebepti osy jolǵy jarysqa daıyndala otyryp, biz jeńiske kóp úmit arttyq. Úmitimiz aqtaldy»,-dedi ol.
Joǵary jetistikterine qaramastan sportshy osy baǵyndyrǵan bıikterin qanaǵat etip otyrǵan joq.
«Eger bári durys bolsa, biz Álem kýbogyna daıyndalamyz. Al, eger odan ári de jolymyz bolsa, bizdi aldyda Olımpıada kútip tur. Sondyqtan bolashaqtaǵy maqsat - birneshe Álem chempıonatyn jeńip, Olımpıada chempıony ataný»,-deıdi sportshy.
Dýbaıda qazaqstandyq ziltemirshi qyz 51 keli salmaqty baǵyndyrdy.
