Qazaqstandyq Karına Ibragımova Olımpıada júldegerimen jekpe-jekte jeńilip qaldy

ÁBÝ-DABI. QazAqparat – 2022 jylǵy Azııa chempıony, qazaqstandyq boksshy Karına Ibragımova Ábý-Dabıde ótken Halyqaralyq boks qaýymdastyǵynyń IBA Champions’ Night atty alǵashqy týrnırinde óner kórsetti, dep habarlaıdy QazAqparat Sports.kz saıtyna silteme jasap.

57 kelige deıingi salmaq sanatynda rıngke shyqqan K.Ibragımova 2020 jylǵy Tokıo Olımpıadasynyń qola medal ıegeri ıtalııalyq Irma Testamen kezdesti.

5 raýndqa eseptelgen jekpe-jek sońyna deıin ótip, tóreshilerdiń biraýyzdy sheshimimen Italııa ókiliniń paıdasyna aıaqtaldy.

IBA Champions’ Night alǵashqy týrnırine birneshe belgili boksshy qatysýda. Olardyń arasynda Bahodır Djalolov (Ózbekstan), Danıs Latypov (Bahreın), Mýslım Gadjımagomedov (Reseı) bar.

Karına Ibragımovanyń atalǵan týrnırde óner kórsetetinin buǵan deıin jazǵan bolatynbyz.

Foto: Sports.kz