Qazaqstandyq Karına Ibragımova Olımpıada júldegerimen jekpe-jek ótkizedi

ASTANA. QazAqparat - 11 jeltoqsanda Ábý-Dabıde (BAÁ) Halyqaralyq boks qaýymdastyǵynyń IBA Champions' Night birinshi týrnıri ótedi. Onyń aıasynda sharshy alańǵa esimi belgili birneshe boksshy shyǵady. Bul týraly QazAqparat Sports.kz portalyna silteme jasap habarlaıdy.

Qatysýshylar qatarynda 2022 jyly Azııa chempıonatynyń jeńimpazy atanǵan qazaqstandyq Karına Ibragımova bar. Ol rıngte 2022 jylǵy álem chempıonatynyń kúmis júldegeri jáne 2020 jyly Tokıodaǵy Olımpıada oıyndarynyń qola júldegeri, ıtalııalyq Irma Testamen judyryq túıistiredi.
Shara Global Boxing Forum ıasynda uıymdastyrylady.
Sondaı-aq týrnırde kelesi jekpe-jekter ótedi:
Bahodır Djalolov (Ózbekstan) — Danıs Latypov (Bahreın);
Mýslım Gadjımagomedov (Reseı) — Enmanýel Reıes (Kýba);
Sofıan Ýmıa (Frantsııa) — Karen Tonakanıan (Armenııa);
Rýslan Faıfer (Reseı) — Kevın Djonson (AQSh)
Zeıad Ishaısh (Iordanııa) — Ronel Iglesıas (Kýba);
Amer Hýseın Álı Saıd (BAÁ) — Rız Lınch (Shotlandııa);
Saıdjamshıd Djafarov (Ózbekstan) — Ioenlıs Ernandes Martınes (Kýba).

Foto: sports.kz