Qazaqstandyq karateshiler Premer-lıga týrnırinde 4 qola medal jeńip aldy
ZALЬTsBÝRG. QazAqparat - Avstrııanyń Zaltsbýrg qalasynda karateden kezekti Premer-lıga óz máresine jetti. Qazaqstan quramasy jarysty 4 qola júldemen aıaqtady, dep habarlaıdy Olympic.kz.
60 kelige deıingi salmaq dárejesinde qola júlde úshin qos qazaqstandyq sportshy talasqa tústi. Nátıjesinde, Erkinbek Baıtóreev komandalasy Darhan Asadilovke jol berip, tatamıge shyqpady. Osylaısha, Darhan qarsylasynyń tatamıge shyqpaǵanyna baılanysty avtomatty túrde qola júlde ıegeri atandy.
67 kelige deıingi salmaqta qazaqstandyq Musa Beksultan el qorjynyna ekinshi qolany saldy. Onyń qarsylasy túrkııalyq Ýgýr Býrak jartylaı fınalda jaraqattanyp, kishi fınaldyq kezdesýge shyǵa almady.
84 kelige deıingi salmaqtaǵy Danııar ıÝldashev álem chempıonatynyń júldegeri ázirbaıjandyq Aıhan Mamaevty jeńip, jarystyń qola júldesine ıelik etti.
Al áıelder arasynda 68 keliden joǵary salmaqta Sofııa Berýltseva ıspanııalyq Marıı Torresti utyp, qola júlleger boldy.
Aıta keteıik, atalǵan Zaltsbýrgtegi Karate 1 Premer-lıgasyna álemniń 88 elinen 600-den astam sportshy qatysty.
