Qazaqstandyq karateshiler Olımpıadany baǵyndyrýǵa daıyndalyp jatyr
ASTANA. QazAqparat - Shyǵys jepe-jegi karateniń karate-do (WKF) dep atalatyn baǵytyn tamyz aıynda Tokıoda ótetin Olımpıada oıyndarynyń baǵdarlamasyna engizdi. Bul baǵytta bizde bolashaǵynan zor úmit kúttiretin qandaı sportshylar bar ekenin Astandaǵy Karate do WKF jáne dástúrli jekpe-jek túrleri federatsııasynyń prezıdenti Meıramgúl Dýkýeva aıtyp berdi, dep habarlaıdy QazAqparat.
«Biz ózimizdiń aldymyzǵa aýqymdy mindetter qoıyp otyrmyz. Olımpıadaǵa daıyndalatyn balalardyń ózderiniń baǵdarlamalary, jarystary, jıyndary, jattyǵýlary bolady. Olarda qandaı lıtsenzııalyq jarystar bolady, olar ózderiniń jeke reıtıngterin qalaı jınaıtyny jaqynda belgili bolady. Eger olar múmkindiginshe joǵary upaı jınaıtyn bolsa, onda Olımpıadaǵa qatysýǵa múmkindik alady. Bul árıne, eresekterge qatysty»,-dedi Dýkýeva.
Onyń sózinshe, karate-do sportymen aınalysýshylardyń jalpy sany Astanada búgin 600 adamǵa jetedi.
«Bıylǵy jyly biz Azııa chempıonatyna bardyq. Onda alǵash ret aǵaıyndy Qabdýllaevtar jeńiske jetti. Olardyń biri «kato», ekinshisi «kýmıte» baǵdarlamasy boıynsha óner kórsetti. Aǵaıyndylardyń úlkeni Alısher Qabdýllaev karate-dodan eki dúrkin Qazaqstan chempıony, álem chempıony, ol úshinshi oryndy jeńip aldy.
Olardan ózge taǵy eki bala bar. Olardy damytý úshin tájirıbe, qarjy, umtylys pen áleýet qajet. Bul balalarda onyń barlyǵy da bar»,-dedi Dýkýeva.
Aıta keteıik, búgin Oqýshylar saraıynda «karate-do-shotakan» baǵdarlamasynan oqý-attestatsııalyq semınar ótti. Sondaı-aq QR Táýelsizdiginiń 25 jyldyǵyna arnalǵan jáne karateniń Olımpıada túrine engizilýine arnalǵan «Úzdik karate» atty semınarlar serııasy uıymdastyryldy.
Sharanyń basty qonaǵy KSRO-nyń sport sheberi, qara belbeý ıegeri, WKF karate-den Reseı quramasynyń bas bapkeri Olag Tsoı boldy. Shara barysynda ol túrli ádis, tásilderdi qalaı qoldaný qajettigin kórsetip, mektep oqýshylaryna belbeý alý boıynsha attestatsııa qabyldady.
