Qazaqstandyq karateshiler búkilreseılik kýbogqa attandy
ORAL. QazAqparat - Qazaqstandyq karateshiler 4-6 sáýir kúnderi Qazanda ótetin búkilreseılik «Aq Barys kýbogy» jarysyna qatysady, dep habarlaıdy QazAqparat tilshisi.
BQO dene shynyqtyrý jáne sport basqarmasynan túsken málimetke qaraǵanda, Qazaqstan quramasy Qazanǵa Almatydan búgin jetpekshi.
Qazaqstandyqtar osynyń aldynda Almaty qalasynda karate WKF-dan jastar men eresekter arasynda ótken «KAZAKSTAN OPEN» halyqaralyq týrnırinde tabysty óner kórsetken edi. Jarysqa Eýropa men Azııanyń Túrkııa, Saýd Arabııasy, Iran, Ózbekstan, Qyrǵyzstan, Reseı, Belarýs syndy 13 elden karateshiler qatysyp, baq synady.
Júldeger atanǵandar qatarynda batysqazaqstandyqtar da bar. Jastar arasynda Darhan Temirálıev 55 kg salmaqta chempıon atansa, Danııl Tıtov (84 kg) kúmis júldege ıe boldy. Olardyń ekeýi de QR sport sheberi talabyn oryndady.
Sol sekildi qyzdar arasynda Kámıla Jolamanova men Dılıara Tilepbergenova úshinshi orynǵa kóterildi. Oǵan qosa K.Jolamanova karate WKF-dan osy sport túriniń otany -Japonııanyń Okınava qalasynda ótetin Azııa chempıonatyna joldama aldy.
Aıta keteıik, karate 2020 jyly ótetin Tokıo Olımpıadasynyń baǵdarlamasyna engizilgeni belgili.
