Qazaqstandyq karateshiler Azııa chempıonatynda taǵy 6 medal jeńip aldy

ASTANA. QazAqparat – Malaızııanyń Malakka kalasynda WKF karateden eresekter arasynda ótip jatqan HІH Azııa chempıonatynda qazaqstandyqtar taǵy alty medal jeńip aldy, dep habarlaıdy QazAqparat tilshisi.

Sportty damytý dırektsııasynyń baspasóz qyzmetinen málim etkenindeı, jarystyń ekinshi kúni kýmıte baǵdarlamasynda təjirıbeli Nurqanat Ájiqanov (-75 kg) pen Qaısar Alpysbaı (-60 kg) chempıon atandy.

Al Móldir Jańbyrbaı (-50 kg) men Gúlmıra Úsenova (-55 kg) fınalda qarsylasqa ese jiberip, kúmis júldege qol jetkizdi.

Sondaı-aq Danııar ıÝldashev (-84 kg) pen Abylaı Tóltaı (+84 kg) óz salmaǵynda qola medal jeńip aldy.

Qazirgi kezde Qazaqstan quramasy 3 altyn, 3 kúmis, 4 qola medalmen jalpy esepte 1-orynda kele jatyr. Odan keıin Iran men Iordanııa tur.

Qytaıdyń Hanjoý qalasynda bolatyn jazǵy Azııa oıyndaryna basty daıyndyq retinde ótip jatqan chempıonat jeksenbi kúni məresine jetedi.

Eske sala keteıik, budan buryn olımpıada júldegeri Sofıa Berýltsevanyń Azııa chempıony atanǵanyn jazǵan bolatynbyz.