Qazaqstandyq karateshi Eýropadaǵy týrnırde «kúmis» enshiledi
QYZYLORDA. QazAqparat - Slovakııa astanasy - Bratıslava qalasynda karate-do sportynan halyqaralyq týrnırde Qonysbek Álishershárip kúmis júldeger atandy, dep habarlaıdy QazAqparat tilshisi.
Qyzylordalyq sportshy Qonysbek atalmysh týrnırde 16-17 jastaǵy órender arasynda synǵa tústi. 55 keli salmaqta jarys jolyna shyqqan ol aqtyq saıysta ǵana qarsylasyna ese jiberip qoıdy.
Esterińizge sala ketelik, budan buryn atalmysh týrnırde taǵy bir qyzylordalyq Ásemgúl Erdáýlet 14-15 jastaǵylar arasynda 47 kelide altynnan alqa taqqanyn habarlaǵan edik.
Qyzylordalyq sportshylardy jarysqa jeke bapkerleri Rústem Qaraev pen Nurbol Toıshybaev daıyndady. Sondaı-aq, olardyń osyndaı zor tabysqa jetýine Qazaqstan Respýblıkasynyń aǵa jattyqtyrýshylary Shattyq Qajymuqan men Asqar Moldaǵalıdiń eńbegi erekshe.
Halyqaralyq týrnırde tolaıym tabysqa kenelgen sportshylardy alda úlken jarystar kútip tur. Bıyl karate-do sportynan Azııa chempıonaty ótedi.
