Qazaqstandyq karateshi Eýropada chempıon atandy

QYZYLORDA. QazAqparat - Slovakııada karate-do sportynan halyqaralyq týrnırde qyzylordalyq Ásemgúl Erdáýlet chempıon atandy, dep habarlaıdy QazAqparat tilshisi.

Ol osy jarysta 47 keli salmaqta synǵa tústi. Týrnırde qyzylordalyq sportshy tórt kezdesý ótkizdi. Onyń barlyǵynda jeńiske jetti.

Ásemgúl jarys barysynda aldymen slovakııalyq qarsylasynan 7:0 esebimen basym tústi. Jarystyń kelesi satysynda horvat qyzyn 3:0 esebimen tize búktirdi. Odan nemis sportshysyn 1:0 esebimen jeńp, aqtyq saıysqa joldama aldy.

Ásemgúl fınalda cheh qyzynan basym tústi. Esep 2:0. Osylaısha ol atalmysh týrnırde chempıon atanyp, el mereıin asqaqtatyp qaıtty.

Biz budan buryn qyzylordalyq balýannyń halyqaralyq týrnırden oljaly qaıtqanyn habarlaǵan edik.