Qazaqstandyq karateshi Danııar ıÝldashev Berlınde kúmis medal aldy
ASTANA. QazAqparat - Germanııada karateden «Premier League Berlin-2018» halyqaralyq týrnıri aıaqtaldy. Atalmysh sporttyq shara Tokıoda ótetin Olımpıada oıyndarynyń reıtıngtik týrnıri sanalady, dep habarlaıdy QazAqparat tilshisi QR Ulttyq Olımpıadalyq komıtetke silteme jasap.
Jaqynda ǵana Azııa oıyndarynda «qola» ıelengen qazaqstandyq sportshy Danııar ıÝldashev bul joly jankúıerlerdiń nazaryna Eýropa arenasynda ilikti. Qazaqstandyq 84 kelige deıingi salmaq dárejesinde fınalıst atandy. Fınalda Japonııa sportshysy, álem chempıony, álemdik reıtıngtegi 1-shi oryn ıegeri Rıýtaro Aragamen kezdesti.
Danııar fınalǵa jetý jolynda áıgili sportshylardy jeńip, 5 aınalymnan ótti. Olardyń qatarynda ırandyq Zabıolla Pýrshaba (WKF reıtınginde 6-shy oryn) jáne túrkııalyq Ýgýr Aktas (álemdik esepte 3-shi oryn) bar. Ókinishke oraı, otandasymyz fınalda japondyq karateshiden jeńilip qalyp, týrnırdiń kúmis júldegeri atandy.
Berlınde ótken týrnırde 75 kelige deıingi salmaq dárejesindegi Rýslan Esmahanbet 11-shi orynǵa, al 60 kelige deıingi Qaısar Alpysbaı men Darhan Asádilov 5-shi jáne 6-shi oryndardy bólisti.
