Qazaqstandyq kanoeshylar Álem kýbogynyń eki medalin jeńip aldy
ASTANA. QazAqparat - Qazaqstandyq Tımýr Haıdarov, Mereı Medetov 200 metrdegi eki adamdyq baıdarkada baıdarka men kanoe esýden II Álem kezeńi kýbogynda kúmis medal aldy. Bul týraly QazAqparat Sport komıtetiniń baspasóz qyzmetine silteme jasap habarlaıdy.
Atalǵan sport túrinen qola medaldi de otandyq sportshylar Emelıanov Sergeı jáne Emelıanov Tımofeı ıelendi. Haıdarov pen Medetov qashyqtyqty 36.823 sekýndta esip ótse, Emelıanovtar belgilengen shaqyrymdy 37.371sekýndta eńserdi. Altyn medal reseılik Aleksandr Kovalev pen Ivan Shtılge buıyrdy (36.672sek).
Aıta keteıik, jarysqa álemniń 52 memleketinen 600 den astam sportshy qatysty. Baıdarka men kanoe esýden II Álem kýbogy mamyrdyń 25- 27 aralyǵynda Germanııanyń Dýısbýrg qalasynda ótti.
